Бас мүфти Мәскеуде

Қазақстан мұсылмандары діни басқармасының төрағасы Бас мүфти Ержан қажы Малғажыұлы 8-9-желтоқсан күндері Ресей астанасы Мәскеу шаһарында өткен ІХ Мұсылман форумына қатысты.

Форумның тақырыбы «Үмбеттің азаматтық қоғам дамуы стратегиясына бейімделуі». Ұйымдастырушылар – Ресей мүфтилерінің кеңесі мен Ресейдің Еуропалық бөлігінің діни басқармасы. Жиында жалпы мұсылмандар мен діндарлардың азаматтық қоғам дамуына белсене араласуы, жастарды діни әрі ұлттық-мәдени ерекшеліктерін сақтай отырып өз Отанының патриоты етіп тәрбиелеу сияқты мәселелер талқыға түсті.

Бас мүфти Кувейтте

 

Қазақстан мұсылмандары діни басқармасының төрағасы, Бас мүфти Ержан қажы Малғажыұлы Кувейт мемлекетінің Уақыф министрлігінің арнайы шақыруымен Кувейт еліне барды. Сапар барысында осы елдің дін саласына жауапты басшыларымен кездесулер өткізді.

Еліміздің Бас мүфтиін әуежайда Уақыф министрлігінің жауапты хатшысы, министрдің орынбасары Адель Абдолла әл-Фалах қошеметпен қарсы алып, құрмет көрсетті.

«Дін және дәстүр» тақырыбында конференция өтті

Ағымдағы жылдың 25 қараша күні ҚМДБ-ның СҚО бойынша өкілдігі, «Қызылжар» орталық мешітінің ұйымдастыруымен М. Қозыбаев атындағы СҚМУ-де «Дін және дәстүр» атты конференция өтті. Аталмыш шараға ҚМДБ-ның шариғат және пәтуа бөлімі меңгерушісінің орынбасары Сансызбай Құрбанұлы Шоқанов, Дін істері агенттігінің діни оқу орындармен байланыстар және дінтану сараптамасы жөніндегі басқармасының бастығы Айнұр Әбдірәсілқызы арнайы шақырылды. Жиынның басты мақсаты — өскелең жастарды имандылыққа баулып, дін Исламды құрметтеп, ұмытыла бастаған салт-дәстүрлерімізді, ұлттық құндылықтарымызды жаңғырту, дін мен дәстүрді сабақтастыру мәселелерін қарастыру.

Имамдардың білімін шыңдауға бағытталған семинар

Ағымдағы жылдың 23 қараша күні  ҚМДБ-ның СҚО бойынша өкілдігі, «Қызылжар» орталық мешітінде қала, аудан имамдары мен молдаларының білімін арттыруға бағытталған екі күндік семинар басталды. Аталмыш шараға ҚМДБ-ның шариғат және пәтуа бөлімі меңгерушісінің орынбасары Сансызбай Құрбанұлы Шоқанов, Павлодар қалалық «Ақмешіт» мешітінің бас имамы Жолдас қажы Қоспақұлы Бердімұратов, сондай-ақ СҚО Дін істері басқармасының діни бірлестіктер мен жұмыс жөніндегі бөлім басшысы   Абу-Бәкір Жақсылықұлы Карменов, облыстық Ішкі саясат басқармасының бастығы Салауат Силибайұлы Муксимов арнайы шақырылды.

Мұсылмандық бесінші парызды өтеген Берік қажымен сұхбат

Биыл елімізден қажылық парызын өтеуге 4 мыңнан аса адам аттанған болатын. Бүгін сол бақытты жандардың бірі, өңіріміздің  құрметті азаматы Мұқанғалиев Берік Ағыбайұлымен кездесіп, қажылық сапары туралы сұхбат алдық.

Return to Top ▲Return to Top ▲