ҚМДБ-НЫҢ КЕҢЕЙТІЛГЕН ТӨРАЛҚА МӘЖІЛІСІ БАСТАЛДЫ


Бүгін Қазақстан мұсылмандары діни басқармасының екі күнге жоспарланған кеңейтілген төралқа мәжілісі басталды.

ҚМДБ төрағасы, Бас мүфти Әбсаттар қажы Дербісәлінің төрағалығымен өтіп жатқан бұл мәжіліске ҚМДБ Аппарат басшысы Б.Мырзаев, бөлім меңгерушілері, облыстар мен өңірлердегі өкіл имамдар, Нұр-Мүбарак университетінің проректоры Ш.Керім, Қазақстан қажылар қауымдастығының төрағасы Е.Дуанаев қатысуда. Онда діни басқарманың облыстар мен өңірлердегі өкіл имамдары әдеттегідей бір жыл бойы атқарған ұйымдастыру-басқару, діни уағыз-насихат, оқу-ағарту, қажылық, т.б. салалардағы қызметтері жайлы есеп береді. Қазіргі уақытқа дейін ҚМДБ-ның қос басылымы «Ислам және өркениет» газеті мен «Иман» журналына жазылу мен қажылықты өткізу мен ұйымдастыру мәселелері қаралып, тиісті шешімдер қабылданды. Қос басылымның Бас редакторлары Сейсенхан Маханбет пен Оңғар Өмірбек баспасөзге жазылу жайлы жиналғандарға ақпарат берді. Ал, қажылық бөлімінің меңгерушісі Әлішер Спанов биылғы жылы 4 мың отандасымыздың қажылық парызын аман-есен өтеп келгені жайлы мәліметті жеткізді.

 

muftyat.kz

Петропавлдың полиция қызметкерлері машина әйнегін сындырып жүрген бір топ бұзақыларды ұстады


Өткен түнде Петропавлдың полиция қызметкерлері облыс орталығының аулаларындағы тұрақта тұрған көліктердің терезелерін сындырып жүрген бір топ бұзақыларды қолға түсірді, деп хабарлады облыс бойынша ІІД-нің баспасөз қызметі.

Терезесі сындырылған көліктердің біреуінен машинаның магнитофоны мен флешкарта ұрланған. Бұл туралы полицияға Бейбітшілік көшесінде тұратын «Ауди» маркалы көліктің иесі айтқан.

Сол күні жасалған қылмыстың ізі бойынша Петропавлдың ІІБ қызметкерлері екі 20 жасар Петропавл қаласының тұрғынын және 19 жасар Щучинскінің тұрғынын ұстады. Кейін анықталғандай, түнде олар мас күйінде «көңіл көтеру» үшін көліктердің терезелерін сындырған.

Қазіргі уақытта олардың үстінен бұзақылық және ұрлық фактісі бойынша қылмыстық іс қозғалды. Ұсталғандардың біреуі жоғары оқу орнының студенті.

 

inform.kz

АСТАНА МЕДРЕСЕСІ ТӘУЕЛСІЗДІКТІҢ 20 ЖЫЛДЫҒЫН ЕРЕКШЕ АТАП ӨТТІ

16 желтоқсан күні Астана медресесінің мәжіліс залында осы оқу орнының басшысы Қалижан қажы Заңқоевтың бастамасымен Қазақстан Республикасының Тәуелсіздігінің 20 жылдығының құрметіне арналған 100 кісілік мерекелік дастархан жайылды. Осынау еліміздің бас мерекесінің қарсаңында жайылған ақ дастарханға «Нұр Астана» орталық мешітінің имамдары мен медресе ұстаздары және барлық шәкірттер түгел қатысты.
Бұл отырыстың әрине жөні бөлек. Олай дейтініміз бұл ата-бабамыздың аңсап, бірақ қол жеткізе алмай өткен Тәуелсіздігіміздің 20 жылдығын ерекше атап өтіп, оның мән-мағынасына терең бойлау еді. Отырысты ҚМДБ-ның наиб мүфтиі, «Нұр Астана» орталық мешітінің бас имамы, Астана медресесінің директоры Қалижан қажы Заңқоев сөз сөйлеп ашты. Ол кісі өз сөзінде Тәуелсіздіктің 20 жылдығымен осындағы барша қатысушыларды құттықтай келе, бұның қадір-қасиетіне, мән-мағынасына кеңірек тоқталды. Еліміздің жиырма жылдан бері әлеуметтік, экономикалық, білім-ғылым, ұлттық құндылықтарымз бен мәдениетіміздің, дінімізбен салт-дәстүріміздің қарқындап дамып-өркендеуіне сарабдал салиқалы саясатымен жол бастаған Елбасымыз Нұрсұлтан Әбішұлы Назарбаев екендігін әсте естен шағармауымыз керектігін баса айтты. Осымен қатар Дінбасымыз Әбсаттар қажы Дербісәлі хазретіміздің де, еліміздегі дін саласының жүйеленіп, қарқындап дамуының негізгі локомативі екендін де атап өтті. Жиынды әріқарай мешіт имамдары мен медресе ұстаздары, тәуелсіздікпен түйдей құрдас медресе шәкірттері кезегімен сөз алып, өздерінің елге, жерге деген ыстық ықыластарын, Тәуелсіздік туралы жүрек дүрсілін жарып шыққан тебіреністі ойларын толқи отырып жеткізді. Әрине бұл салиқалы отырысқа кең дастархан жайып, дінімізге шын жанашырлығымен көпшілікке танымал болған Елордамыздағы «Тұран» мейрамханасының егесі, меценат Райымберді Сағламұлының да қосқан үлесіне дән ризашылығымызды жеткіземіз. Қысқаша айтқанда жиын соңында діни қызметкерлермен болашақ жас мамандар, бұл отырыс бұрынғы отырыстан өзгерек болды деген ойда тоғысып, осы күнге жеткізген Аллаға мыңда бір шүкіршілік айтып, отанымыз Қазақстанның бұдан да әрі өрлеп, дамуы үшін игі дұға жасап тарқасты.

Бақытжан ӨТКЕЛБАЕВ
Астана медресесінің
оқу бөлімінің меңгерушісі

Періштелерге сенім


Періштелер Алла Тағаланың нұрдан жаратқан жаратылысы. Олар түрлі формада болады әрі түрлі формаларға ене алады. Мысалы, Жебірейіл періште Пайғамбарға (с.а.с.) адамның бейнесінде де келген.

Періштелерде жыныстық тек жоқ. Оларды ер не ұрғашы деп сипаттауға болмайды. Кімде-кім оларды еркек деп сипаттаса, пасық болып есептеледі. Ал кім ұрғашы десе кәпір болады. Алла Тағала былай деген:

﴿وَجَعَلُوا الْمَلَائِكَةَ الَّذِينَ هُمْ عِبَادُ الرَّحْمَنِ إِنَاثاً أَشَهِدُوا خَلْقَهُمْ سَتُكْتَبُ شَهَادَتُهُمْ وَيُسْأَلُونَ﴾

«Олар (кәпірлер) Рахманның құлдары болып табылатын періштелерді ұрғашы қылды. Олардың жаратылыстарына куәгер болып па? Олардың куәгерліктері жазылады да, ол туралы сұралады» (Зухруф, 19).

Періштелердің негізгі тұрағы – аспан. Сонымен бірге жердің бетінде жасайтын періштелер де бар.

Періштелердің бар екендігіне Құран мен хадистен дәлелдер жеткілікті әрі мұсылман ғалымдары да бұл туралы бірауызды пікірде. Періштелердің барлығын теріске шығарған адам кәпір болады. Демек, жалпы періштелердің бар екендігіне сену иманның бір шарты һәм жалпы парыз. Ал Жебірейіл, Микаил, аршыны көтеріп тұратын, жан-жағында ұшып жүретін періштелер, пенденің амалын жазушы періштелер, сақтаушы періштелер, Мүңкәр мен Нәкір сияқты белгілі періштелердің барлығына сену жалқы парыз.

﴿الْحَمْدُ لِلَّهِ فَاطِرِ السَّمَاوَاتِ وَالْأَرْضِ جَاعِلِ الْمَلَائِكَةِ رُسُلاً أُولِي أَجْنِحَةٍ مَّثْنَى وَثُلَاثَ وَرُبَاعَ يَزِيدُ فِي الْخَلْقِ مَا يَشَاءُ إِنَّ اللَّهَ عَلَى كُلِّ شَيْءٍ قَدِيرٌ﴾

«Көктер мен жерді Жаратушы, періштелерден қос қанатты, үш, төрт қанатты елшілерді Жасаушы Аллаға мадақ. Ол Өзінің жаратылысын қалағанынша көбейтеді. Расында Алла әрбір нәрсеге құдіретті» (Фатыр, 1).

﴿وَمَا يَعْلَمُ جُنُودَ رَبِّكَ إِلَّا هُوَ﴾

«Раббыңның әскерін Өзінен басқа ешкім де білмейді» (Мүддәссір, 31).

 

Кейбір ғалымдардың түсіндірулерінше, бұл істер төмендегідей:

1. Тағдыр тақтасында жазылған тағдырларды, пенделердің амалдарын орайластырып, ризықтар мен өсімдіктер, жауын-шашындар істері Микаил періштеге жүктеледі.

  1. Соғыстар мен жер сілкіністері, найзағайлар, жер қопарылыстары Жебірейіл періштеге жүктеледі.
  2. Пенделердің іс-амалдары бақылау Исрафил періштеге жүктеледі.
  3. Тауқыметтер мен ажалдар Әзірейіл періштеге жүктеледі.

 

Періштелердің күнәдан пәктігі

Періштелер күнәдан пәк. Олардан қандай да бір күнәлі істің шығуы мүмкін емес. Оған мына аяттар дәлел бола алады.

﴿وَلِلّهِ يَسْجُدُ مَا فِي السَّمَاوَاتِ وَمَا فِي الأَرْضِ مِن دَآبَّةٍ وَالْمَلآئِكَةُ وَهُمْ لاَ يَسْتَكْبِرُونَ * يَخَافُونَ رَبَّهُم مِّن فَوْقِهِمْ وَيَفْعَلُونَ مَا يُؤْمَرُونَ

«Көктер мен жердегі барлық жандылар және періштелер Аллаға сәжде жасайды, олар тәкаппарлық қылмайды. Олар Раббыларынан қорқып, Оның айтқанын мүлтіксіз орындайды» (Нахыл, 49,50).

﴿ لَا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ﴾

«Олар (періштелер) Алланың бұйырғанына қарсы шықпай, бұйырылғанды мүлтіксіз орындайды» (Тахрим, 6).

 

Халық арасында тараған періште туралы кейбір күпірлік сөздер. Соның бірі «Алтын көрсе періште жолдан таяды» деген сөз. Бұл барып тұрған антұрған сөз. Періштелер Алла Тағаланың үнемі құлшылықта болатын, әмірін екі қылмайтын пәк құлдары. Олар пәнилік қызықтарға бой алдырмайды. Өйткені оларда нәпсі сезімдері, ішу-жеу сияқты қасиеттер жоқ. Олардың нақтылы сипаттары Құран Кәрімде айтылған. Әрбір мұсылман періштелер туралы танымын сол аят-хадистердің негізінде тұғырлауы тиіс.

 

Періште артық па, адам артық па?

Барлық мұсылмандардың ортақ пікірі бойынша ардақты пайғамбарымыз Мұхаммед (с.а.с.) көктегі һәм жердегі күллі мақлұқаттардан: періштелерден, адамзаттан, жындардан дүниеде де, ақыретте де артық. Оған Пайғамбардың (с.а.с.) мына хадисі дәлел болады.

قال النَّبِيُّ صَلَّى اللهُ عَلَيْهِ وَسَلَّمَ:» أَنَا أَكْرَمُ الأَوَّلِينَ وَالآخِرِينَ عَلَى اللهِ، وَلاَ فَخْرَ«.

«Мен Алланың дәргейінде алдыңғылардың да, соңғылардың да ең ардақтысымын, мақтаныш емес».

Тіпті, уахи жеткізуші Жебірейіл періштенің (а.с.) өзі Пайғамбардан (с.а.с.) артық бола алмайды. Өйткені Құранды түсіруші һәм үйретуші, ол – Алла Тағала.

﴿الرَّحْمَنُ* عَلَّمَ الْقُرْآنَ﴾

«Аса рахымды, Құранды үйреткен» (Рахман, 1, 2).

Матуриди мазһабы бойынша пайғамбарлар періштелердің Жебірейіл, Микаил сияқты басшыларынан артық. Адамдардың ішіндегі әулиелер, нағыз мүміндер періштелердің жалпы мүміндерінен артық.

Әһлус-суннә жамағаты осы пікірлеріне мынадай дәлелдер келтіреді.

1. Алла Тағаланың періштелерге Адамға сәжде етуге бұйыруы Адамның олардан артық екендігін білдіреді.

﴿وَإِذْ قُلْنَا لِلْمَلاَئِكَةِ اسْجُدُواْ لآدَمَ فَسَجَدُواْ

«Сол кезде періштелерге: «Адамға сәжде жасаңдар», – дегенімізде бәрі сәжде жасады..» (Бақара, 34).

2. Алла Тағала есімдерді Адамға үйретті, періштелерге үйретпеді.

﴿وَعَلَّمَ آدَمَ الأَسْمَاء كُلَّهَا ثُمَّ عَرَضَهُمْ عَلَى الْمَلاَئِكَةِ فَقَالَ أَنبِئُونِي بِأَسْمَاء هَـؤُلاء إِن كُنتُمْ صَادِقِينَ * قَالُواْ سُبْحَانَكَ لاَ عِلْمَ لَنَا إِلاَّ مَا عَلَّمْتَنَا إِنَّكَ أَنتَ الْعَلِيمُ الْحَكِيمُ * قَالَ يَا آدَمُ أَنبِئْهُم بِأَسْمَآئِهِمْ فَلَمَّا أَنبَأَهُمْ بِأَسْمَآئِهِمْ قَالَ أَلَمْ أَقُل لَّكُمْ إِنِّي أَعْلَمُ غَيْبَ السَّمَاوَاتِ وَالأَرْضِ وَأَعْلَمُ مَا تُبْدُونَ وَمَا كُنتُمْ تَكْتُمُونَ

«Ол (Алла Тағала) Адамға барлық есімдерді үйретті, сосын оларды періштелерге көрсетіп: «Егер шын айтқан болсаңдар, маған мыналардың аттарын айтып беріңдер», – деді. Сонда олар: «Сен Пәксің! Біз Сенің үйреткеніңді ғана білеміз. Расында Сен бәрін білушісің һәм аса данасың», – десті. Ол: «Уа, Адам! Оларға аналардың аттарын айтып бер», – деді. Ол оларға айтып берген соң (Алла Тағала): «Мен сендерге көктер мен жердің ғайып нәрселерін, сендердің жария істеріңді де, жасырын істеріңді де білемін демеп пе едім?» – деді» (Бақара, 31-33).

﴿هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ﴾

«Білетіндер мен білмейтіндер тең бе?» (Зүмәр, 9).

Әрине, білетіндер мен білмейтіндер тең бола алмайды.

3. Алла Тағаланың әміріне мойынсұну, құлшылық ету адамзат үшін қиын, машақатты. Ол нәпсімен күресуді, шайтанды, дүнияуи істерін жеңуді талап етеді. Мұндай машақаттар, қиындықтар істелінген іс-амалдың сауабының артуына себеп болады. Алланың елшісі (с.а.с.): «Амалдардың ең абзалы – ең қиыны», – деген.

﴿إِنَّ اللّهَ اصْطَفَى آدَمَ وَنُوحاً وَآلَ إِبْرَاهِيمَ وَآلَ عِمْرَانَ عَلَى الْعَالَمِينَ﴾

«Шынында Алла Адамды, Нұхты, Ибраһим әулетін, Имран әулетін әлемдердің үстінен даңқты етіп, таңдады» (Әли Имран, 33).

Алла Тағала бәрімізді екі дүниенің сынақтарынан аман-сау етсін! Өзінің сүйікті құлдарынан етсін! Жасаған амалдарымызды, ғибадаттарымызды қабыл алсын! Елімізге тыныштық, Ислам дініне күш-қуат берсін! Намаз оқитын, нағыз ізгі мұсылмандардың санын арттыра берсін!

Раббәнәә әәтинәә фид-дуниәә хасанатау-уа фил-аахирати хасанатау-уақинәә ъазәәбән-наар, раббанағфирләнәә уа лиуаалидиинәә йәумә йақуумул-хисәәб, бирахматикә йәә архамар-раахимиин.

Саллаллааһу тәъәәлә ъәләә нәбиийнәә уа сәийидинәә мухаммадиу-уа ъәләә әәлиһи, уа асхаабиһил-ахиаари әджмәъиин! Әмиин!

 

Cәбит Ибадуллаев

 

Салықты «соткамен» төлеуге болады


Келесі жылдан бастап қазақстандықтар салықтарды және коммуналдық қызметтер үшін төлемді ұялы телефондар арқылы төлей алады. Бұл туралы бүгін «Қазақстанда электрондық үкіметті дамыту» халықаралық конференциясында ҚР Байланыс және ақпарат вице- министрі Сәкен Сәрсенов мәлім етті.

«Салықтар мен коммуналдық қызметтер үшін төлемді электронды түрде төлеу мүмкіндігі бар. Биыл ілкі жоба ретінде төлемдерді мобильді құрылғылар арқылы төлеу мүмкіндігін жүзеге асырдық. Ал келесі жылы бұл бағыттағы жұмысты үдете түсеміз», – деді С.Сәрсенов.

aorda.kz

Return to Top ▲Return to Top ▲