Ауғандар сауапты амал жасады

Облыс орталығындағы ауған диаспорасы өкілдерінің саны саусақтай ғана. Өзгеше киімдерімен көзге түспей қоймайтын олар дінге берік. Бес уақытын қаза қылмайтын олар көбіне-көп «Қызылжар» орталық мешітінде бастарын сәждеге тигізуге ынталы.

ҚМДБ-ның СҚО бойынша өкіл имамы, «Қызылжар» орталық  мешітінің бас имамы Кенжетай қажы Байкемелұлы игі лебізін білдіріп, сауабы сансыз Рамазан айы туралы уағыз айтты.

«Қызылжардағы» Қадір түні(ФОТО)

«Кімде-кім Қадір түнінде шынайы иманмен, сауабынан үміт етіп ғибадат қылса, оның бұрынғы күнә-қателіктері кешіріледі», — деген хадисте (Бухари, Мүслім) қадір-қасиеті белгіленген киелі түнде қызылжарлықтар да қарсы алды. Қадір түні және екі айт сайын «Қызылжар» орталық мешітіне сыймай кететін жамағат көбеймесе, азаймапты: бұл жолы да лық  толтырды. Әсіресе, әйелдер жамағатының көптігі соншама – мешіт баспалдақтары да бос болмады.

«Вайнахтың» төрағасы ауызашар берді

«Қызылжар» орталық мешітінің ұйымдастыруымен ораза бойы күнде өткізілетін ауызашар беруге мұсылман диаспоралары да зор құлшыныс білдіреді. Жексенбі күні «Вайнах» қоғамдық бірлестігінің төрағасы Саип Байдуев өз отбасы атынан «Қызылжар» орталық мешітінде ауызашар берді.

Шешен-ингуш диаспорасының жетекшісі Саип Байдуев ауызашарға келгендерге алғысын арнады. Ауызашар соңында ҚМДБ-ның СҚО бойынша өкіл имамы, «Қызылжар» орталық мешітінің бас имамы Кенжетай қажы Байкемелұлы Рамазан айының зор сауабы хақында уағыз айтты.

Күрдтер кең пейілін көрсеті

  Ораза – Алланы еске түсіріп, жауапкершілік сезімін арттыратын, адамгершілікке тәрбиелейтін және жүректі тазартатын ғибадат. Ол мейірімділік сезімін оятады. Алланың бергенін бағалай білуге септеседі. Адамның денсаулығын шыңдайды.

ҚМДБ-ның СҚО бойынша өкіл имамы, «Қызылжар» орталық мешітінің бас имамы Кенжетай қажы Байкемелұлы күрд диаспора берген ауызашарда айтқан уағызында осының бәрі қамтылды. «Барбанг» күрдтер қауымдастығы филиалы берген ауызашарға 300-дей адам қатысты. Оларды мұсылман диаспораларының жетекшілері қасиетті Рамазан айымен құттықтап, құлышылықтың қабыл болуын тіледі.

Түрік диаспорасы дастарқан жайды

Сан жағынан аз емес, ең бастысы – дінге берік түрік диаспорасы бұрын бір оразада да екі рет ауызашар беретін. Биыл олар оразаның ауызашар дастарқанын жайды.

Жамағат «Қызылжар» орталық мешітінің үлкен асханасын лық толтыра жиналды.

Return to Top ▲Return to Top ▲