«Рухани кеш»

ҚМДБ бастамасымен мүбәрак Рамазан айының құрметіне облыстық «Қызылжар» орталық мешіті дәстүр бойынша «Өнер қырандары» әзіл-сықақ театры өткізетін «Берекелі мереке 4» рухани кешін ұйымдастырды.
Погодин атындағы театр залы лық толды. Көрермендер күнделікті өмірде бірден көзге түсе қоймайтын адамның пендешілігін өзіндік мысқылмен әжуалаған театр ұжымының өнерімен сусындауға жиналды. Қойылым басталар алдында бас имам Дүйсенбай Кенжетай қажы Байкемелұлы жиылған жұртты келе жатқан қасиетті Рамазан айымен құттықтады.
Театрдың шығармашылық ұжымы кезекті рет көрерменге өмірден алынған көріністерді шеберлікпен жеткізе білді, шын мәнінде «жас аралас күлкі» сыйлап, адамның көптеген пендешілік қылықтарын келекеледі. Көрермендер концерт залынан қойылымнан шынайы ләззат алып, разы көңілде тарқасты.

Ас мәзірі: шеберлік сағаты

Үстіміздегі жылдың 2 мамыры  күні  Облыстық «Қызылжар» орталық мешітінде «Әйел-қыздар» секторының ұйымдастыруымен Қазақстан көп ұлтты елдің мекені  болғандықтан әр халықтың ынтымақтастығын нығайту мақсатында, шәкірттер арасында  әр ұлттың тағамдарынан шеберлік  сағаты болып өтті. Шеберлік сағатының ас мәзірі әзірбайжан халқының ұлттық тағамы  болды. Тағамдарды әзірлеу барысында аспаздар құпияларымен бөлісті. Онда долма, халва, тефтели,  жүзім жапырағынан орама қалай пісіретінін  түсіндіріп берді. Шара соңында әзірленген тағамдармен дастархан жайылып, шәй берілді.

«Қызылжар» орталық мешітінде өткен «Бараат» кеші

Үстіміздегі жылдың 30 сәуір күні «Қызылжар» орталық мешітінің бастамасымен  «Әжелер мектебі» мен «әйел қыздар» секторларының ұйымдастыруымен «Бараат» түнінің құрметіне дастархан жайылып, барша әйел жамағаты шақырылды. Бұл аталмыш іс-шараның мақсаты жастарымызға қасиетті  кештердің маңыздылығын түсіндіру әрі Рамазан айына дайындық ретінде ораза ұстаушылардың қызығушылығын арттыру  болатын. Кешімізге 80-нен астам  апалар мен әжелер, қыздар мен келіншектер жиналды. «Бараат» түнінің құрметіне Құран хатым оқылып облыстық «Қызылжар» орталық мешітінің Бас имамы Кенжетай қажы Байкемелұлы «Бараат» түнінің қасиеті жайында жалпы  уағыз-насихат айтты. Соңынан барша әйел

Келін қайын ененің топырағынан

Қазақстан мұсылмандары діни басқармасының төрағасы, Бас мүфти Серікбай қажы Сатыбалдыұлы биылғы жылды «Ислам және отбасы» жылы деп жариялаған болатын. Осындай игі бастаманың негізінде 18 сәуір күні облыстық «Қызылжар» орталық мешітінің «Әйел-қыздар» секторының ұйымдастыруымен  мешітте  «Келін қайын ененің топырағынан» атты рухани-мәдени өтті. Рухани кешке қалалық әр мектептен (9,10,11 сыныптар аралығында) қыз балалар қатысты. Оларға СҚМУ-де «Серпін» бағдарламасымен келген намазхан шәкірттерімізбен апаларымыз бірнеше қойылымдар көрсетті.

Әйел жамағаты жиылған рухани шарада  әжелер мектебінің төрайымы Ырысжамал қажы Аленова «Ислам және отбасы» жылының аясында ұлттық және дәстүрлі діни құндылықтарымызды насихаттап, қоғамымыздағы отбасылық тәрбие сағаттарын  көптеп ұйымдастыру керектігін және де рухани кешке қатысушыларға өзінің ізгі тілектерін жеткізді.

Сондай-ақ аталмыш шараға осы өңірге қадірлі қарт анамыз Сапура қажы қатысып қоғамдағы өзекті мәселенің бірі —  ене мен келіннің арасындағы  отбасылық тәрбие беру мақсатында өткізіліп отырған іс-шараның маңызына тоқталып, әйел затының асыл мұратының бірі отбасында тәрбиелі қыз, әдепті келін, аяулы ана, бауырмал ене болу екенін баса айтты.

Іс-шара соңында сұрақ-жауапқа қатысқандарға сыйлықтар беріліп, қонақтарға  дастархан жайылды.

ҚЫЗЫЛЖАРДА ҚҰРАН САЙЫСЫ

Үстіміздегі жылдың 11 сәуірі күні облыстық «Қызылжар» орталық мешітінің ұйымдастыруымен  Солтүстік Қазақстан облысы бойынша әйел-қыздар арасында құран сайысы өтті.

Қазақстан мұсылмандары діни басқармасының Солтүстік Қазақстан облысы бойынша өкіл имамы  Кенжетай қажы Байкемелұлы Құран  сайысына қатысушы әйел қыздарға  алғысын білдіріп, сәттілік тіледі.

Құран сайысында I, II, III орын алған  жеңімпаздарға сыйақы беріліп,  қатысқан барлық үміткерлерге өкіл имам сертификат табыстады.

Return to Top ▲Return to Top ▲