ҚЫЗЫЛЖАРДА ҚҰРАН ЖАРЫСЫНА ІРІКТЕУ

Үстіміздегі жылдың 11 сәуірі күні облыстық «Қызылжар» орталық мешітінің ұйымдастыруымен Қазақстан мұсылмандары діни басқармасы   «Құран Кәрімді» жатқа және мәнерлеп оқу бойынша VII  республикалық байқауына Солтүстік Қазақстан облысы бойынша іріктеу сайысы өтті.

         Игі іс-шарада Қауамиддин әл-Итқани әл-Фараби әл Түркістани атындағы қарилар орталығының директоры Садуақас қажы Сағындықұлы  құран оқып, кейін намазхан қажы апаларымыз шашуларын шашты.

Қазақстан мұсылмандары діни басқармасының Солтүстік Қазақстан облысы бойынша өкіл имамы  Кенжетай қажы Байкемелұлы Құран жарысына келген қонақтарға және аталмыш шараға демеушілік көрсеткендерге  алғысын білдіріп, Құран жарысына қатысушы қариларға сәттілік тіледі.

Салт-дәстүріміз бойынша қарилардың құран оқу тәртібін анықтау үшін реттік саны жазылған асықпен жеребе тартылып әрбір қари қапшықтан өзінің реттік санын алып, Құран оқу кезегін анықтады.

VII Республикалық Құран жарысына облыс бойынша   13 қари қатысты.

Төрт номинация бойынша жеңімпаздарға сыйақылармен VII Республикалық Құран жарысына жолдама табысталды.

Солтүстік Қазақстан облысы «Қызылжар» орталық мешітінің жастар ісі секторының ұйымдастыруымен әз-Наурыз мейрамын жастар арасында жылдағы үрдіс бойынша жоғары деңгейде аталып өтті.

Облыстық қазақ күрес мектебінде өткізілген жарысқа қырыққа жуық палуандар сайысқа түсіп екі салмақ бойынша қазақ күресінен тамаша жарыс көрсетті. Жарысқа «Қызылжар» орталық мешітінің наиб имамы және жастар ісі секторының меңгерушісі Аян Алыпқашев, облыс деңгейдегі қазақ күресінең аға жаттықтырушы Жетпісбаев Төлеген, қазақ мектебінің директорларымен орынбасарлары қатысты. Жарыс алдында сөз алған жастар ісі секторының меңгерушісі Наурыз мейрамымен құттықтап палуандарға сәттілік тіледі.
Жарыс соңында жеңімпаз палуандарға жүлделі орындараға сыйақымен естелік сыйлықтар табысталды.

НАУРЫЗ КӨЖЕ…

Қазақ – жеті қат жердің үстін мекендеп, жеті қат аспаннан нұр емген, жеті атаға дейін қан араластырмайтын, жеті қазыналы ел. Әр жетінші күні, яғни жұмада жеті шелпегін таратып, садақа-зекет жасайтын, тапқан несібесін адалымен жейтін дегдар халық екенімізді күллі әлем біледі. Наурыз көже де дәл сондай шартты түрде аталатын жеті дәмнен жасалады
Қызылжар орталық мешітінде осы айтулы күнге орай өткізілген іс-шараның бірі — Наурыз көже дайындау болды. Бұл іс-шара «Әжелер мектебінің» ұйытқысымен, мешіт шәкірттерінің әйел-қыздар секторының қатысуымен жүзеге асты. Наурыз қөже дайындау рәсімін бастан-аяқ баян еткен мешіт қызметкері Роза Үстемірқызы Наурыз көже» тарихы мен көжеге қажетті қоспалардың мән-мағынасын ашып көрсетті. Наурыз көжеден дәм татуға мешіт шәкірттері шақырылған болатын.
Осындай, айтса адамның тәбеті тірілетін дайын болған «Наурыз көженің» дәміне баға беріп, жиналған жастар мен қыз-келіншектерге Наурыздық ыстық ықыласын білдірген «Әжелер мектебінің» төрайымы Ырысжамал апамыз болды.

ҚАРТТАР ҮЙІ

«Қарттарым – асыл қазынам» деп өскен қазақ халқы қашан да үлкенге құрмет, кішіге ізет көрсеткен. Мұсылман елі болып саналатын қазақ даласында жетімдер үйі, қарттар үйі деген ұғым жоқ. Дегенмен, заман солай ма, адам баласының қаталдығын алға тартамыз ба, әйтеуір бұл «үйлер» көбеюде…
Қариясын құрметтеп, жетімін жылатпаған халықтың мұндай күйге түскеніне күйініп, нали қарайсың.. Әлі де болса заман түзелер, баяғы дәурен қайта оралар деп дұға қыласың…
19 наурыз күні «Қызылжар» орталық мешітінің бас имамы Дүйсенбай Кенжетай қажы Байкемелұлы бастаған мешіт жамағатының «Әжелер мектебі» мен «Әйел-қыздар» секторының шәкірттерімен бірге Аққайың ауданының қарттар үйіне барып қайтқан болатын.
Халида қажы Мыңайдарқызы бастаған шәкірттеріміз қарттар үйінде бар өнерлерін көрсетіп, көңілдері жарым болған қарт кісілердің көңілдерін көтеріп, баталарын алды. Концерт барысында әуезді күй шертіліп, ән шырқалып, өлеңдер оқылды. Іс-шара соңы мерекелік дастарханға ұласып, қарттарымызға азын-аулақ сыйлықтар табысталды.
Қазыргі таңда осы қарттар үйінде 350-ден астам мүгедек және қарт адамдар тұрып жатыр. Арасында ардагерлер, еліне еңбегі сіңген қариялар да жоқ емес…

Инабатты қыз – ұлт болашағы

16 наурыз күні Қызылжар өңірінде «Инабатты қыз – ұлт болашағы» атты қыздар байқауы өтті. Іс-шараны облыстық «Әжелер мектебі» мен Петропавл қаласы қалалық білім бөлімі жанындағы «Рухани жаңғыру» кеңесі, «Әл-Фараби» мектеп-лицейі «Қыз Жібек» қыздар клубы ұйымдастарды. Қазақ халқының ұрпақтан-ұрпаққа жалғасып келе жатқан даналығы мен терең саналығын бойына терең дартықан қазақ қыздарының болмысы, мінезі мен жүріс-тұрысы, ақылы, шеберлігі, өнері бағаланып, болашақ қазақ елінің ару қыздарының бейнесін сомдау. Жалпы, байқау 5 кезеңнен тұрды: 1. «Мен қазақтың инабатты қызымын» таныстыру. 2. «Қазақ руханияты менің жүрегімде» даналық ұғымдардың мағынасын ашу. 3. «Инабатты қазақ қызының өнері» бойға дарыған өнерді көрсету. 4. «Инабатты қыздың ойы озық» интеллектуалдық сайыс. 5. «Инабатты қыз – кестесімен көркем» ұлттық қолөнер бойынша сынға түсті. Әр мектептен (8,9,10 сыныптар аралығында) бір үміткер қатысты. Сайысқа әділ төрағалық еткен «Әжелер мектебінің» төрайымы Ырысжамал апа Әбенова байқау қатысушыларына өзінің ізгі тілектерін жеткізіп, қыздарымызды атаулы номинациялар бойынша марапаттады.

Return to Top ▲Return to Top ▲