Жарайсыңдар, Қызылжар қажылары!

Қызылжар қажыларының бесінші парызын орындағандар арасында Қазақстанда бірінші болып ауызашар беруі қасиетті жұма күніне тұспа-тұс келді. «Қызылжар» орталық мешітінің ішіне де (асханасы), сыртына да (ауладағы киіз үйлерге) жайылған көп дастарқан 400-ден артық жамағатты тоғыстырды.

Қажылар қайырымдылықтың үлгісін көрсете білді: ауызашарға Смирнов қарттар үйі мен жетім балаларға арналған облыстық мектеп-интернатының бір топ өкілдері арнайы шақырылыпты. Сондай-ақ бақилық болған қажылардың туыстарының ауызашар дастарқанынан дәм татқандары есте қалатын жәйт.

Қасиетті Рамазан айында облыстық «Қызылжар» орталық мешітінде берілген алғашқы ауызашар

Соңғы жылдары қалыптаса бастаған дәстүрге сай биыл қасиетті рамазан айының бірінщі ораза күннің ауызашарың Қызылжар орталық мешіті берді.

Арнайы шақырылған қонақтар және ақшам намазынан шыққан жамағат мешіттің екі асханасын ғана емес, аулаға тігілген екі киіз үйді де лық толтырды.

Сауапты шара – ауызашарға жиналған жұртшылықты Рамазан айымен басталуымен құттықтаушылар көп болды: облыстың құрметті азаматтары және қажы аналар, тағы басқалары. Мұсылман диаспораларының жетекшілері де лебіздерін білдірді. Олардан соң сөз алған ҚМДБ-ның СҚО бойынша өкіл имамы, «Қызылжар» орталық мешітінің бас имамы Кенжетай қажы Байкемелұлының құттықтап білдірген алғысы жүректерге жетіп жатты.

Мереке сияқты өткізілген ауызашардың соңы марапатқа ұласты. Дінімізді өркендетуге және салт-дәстүрлерімізді дәріптеуге үлес қосып жүрген қайырымды азаматтарға ҚМДБ-ның облыстық филиалының Алғыс хаттарымен марапатталды.

«Рухани жаңғыру» аясында

Үстіміздегі жылғы мамыр айының 13 жұлдызыңда «Рухани жаңғыру» бағдарлама аясында «Қызылжар» орталық мешіті, қажы апалар және Манаш Қозыбаев атындағы Солтүстік Қазақстан мемлекеттік университетінің студенттері, Жамбыл ауданына қарасты Сәбит Мұқанов, Ғабит Мүсрепов музей үйлерінде және қазақтың ақыл – ой, дана Ел анасы Ұлпан Артықбайқызының кесенесіне барып қайтты.

«Рухани кеш»

ҚМДБ бастамасымен мүбәрак Рамазан айының құрметіне облыстық «Қызылжар» орталық мешіті дәстүр бойынша «Өнер қырандары» әзіл-сықақ театры өткізетін «Берекелі мереке 4» рухани кешін ұйымдастырды.
Погодин атындағы театр залы лық толды. Көрермендер күнделікті өмірде бірден көзге түсе қоймайтын адамның пендешілігін өзіндік мысқылмен әжуалаған театр ұжымының өнерімен сусындауға жиналды. Қойылым басталар алдында бас имам Дүйсенбай Кенжетай қажы Байкемелұлы жиылған жұртты келе жатқан қасиетті Рамазан айымен құттықтады.
Театрдың шығармашылық ұжымы кезекті рет көрерменге өмірден алынған көріністерді шеберлікпен жеткізе білді, шын мәнінде «жас аралас күлкі» сыйлап, адамның көптеген пендешілік қылықтарын келекеледі. Көрермендер концерт залынан қойылымнан шынайы ләззат алып, разы көңілде тарқасты.

Ас мәзірі: шеберлік сағаты

Үстіміздегі жылдың 2 мамыры  күні  Облыстық «Қызылжар» орталық мешітінде «Әйел-қыздар» секторының ұйымдастыруымен Қазақстан көп ұлтты елдің мекені  болғандықтан әр халықтың ынтымақтастығын нығайту мақсатында, шәкірттер арасында  әр ұлттың тағамдарынан шеберлік  сағаты болып өтті. Шеберлік сағатының ас мәзірі әзірбайжан халқының ұлттық тағамы  болды. Тағамдарды әзірлеу барысында аспаздар құпияларымен бөлісті. Онда долма, халва, тефтели,  жүзім жапырағынан орама қалай пісіретінін  түсіндіріп берді. Шара соңында әзірленген тағамдармен дастархан жайылып, шәй берілді.

Return to Top ▲Return to Top ▲